The weird jeepney driver

Gusto unta ko mag-English, kaso basin dili ko kalahutay, ma-hanging na unya ang ending…

November 11, 2015, dili jud ko kalimot aning adlawa tungod kay:

  1. Nikanta mi sa akong officemate ug MAWD Hymn sa SMX Convention sa SM Lanang, Davao City; ug
  2. Nakasakay ko ug jeep nga gimaneho sa driver nga weird.

Ang number 1, nanghambog lang gud ko ana, mga 2-minutes exposure ra gud unya sa back row pa jud mi ni-pwesto mao dili ra gihapon makita.

Ang number 2, nahitabo ni kadtong niuna lang ko ug uli kay magpa-enrol pa ko sa USEP.  Mga 10:00AM to.  Gikan ko sa SM Lanang unya naa may nihunong nga red nga jeep, unya ninaug ang pasahero sa frontseat mao nipuli ko ug lingkod, ni-pliti ug nisulti nga “Kanto USEP lang ko”.

Nagmahay ko oi!  Kaskasero kaayo ang driver, feeling niya motor ra iyang gidala nga nag-cross-cross sa mga lanes.  Medyo maka-slide pa jud ang lingkoranan, mao nanakit akong tuhod ug tiil pagpinugong unya akong kamot naminhod ug panggunit sa kilid pero wala jud ko nagpahalata sa driver.  Naa pay usa ka higayon nga pag-overtake niya, nikalit siya ug cut sa isa ka jeep – pwerteng pipip (horn) sa jeep nga among gi-cutingan.  Unya naa pa jud worse nga nahitabo – nipahinay siya ug padagan, samtang ni-overtake tong isa ka jeep with matching tabis sa driver didto pati iyang mga pasahero sa among driver, siya pay naay gana nga mangisog ug nisyagit sa pikas nga driver, “UNSA MAY IMONG PROBLEMA HA!”  Ti-aw mo na!

Unya diba kasagaran nga mosakay nga naa sa likod, magpalikod man jud ug taman bahala ug naglisod na ug sulod ang bag-ong sakay?  Na-irita ang driver ug ni-ingon, “O, sit properly, sit properly, diha sa tuo, sit properly.”  O diba makalisang?  Nag-ininglis si Koya, classroom teacher lang ang peg.  Unya naa man jud gahi ug ulo nga pasahero, gi-usban ni driver, “Sit properly, sit properly, kabug-at ba anang lubota na, sit properly.”  Wala na lang jud ko ni-attempt ug lingi sa likod.

Pag-abot namo sa crossing sa DMC/Regional Hospital, nahunong mi – Stop Light.  Naay lalaki nga namaligya ug kana ganing iro nga lihok ug ulo.  Nipalit ang among driver, wala nako kabantay unsa iyang gipalit.  Unya nilarga na pod ang gisakyan namo.

Sa sunod nga Stop Light, tingala ko kay pwerte niyang panglimpyo sa dashboard sa akong atubangan.  Bisan nagkalisod siya, grabe jud niya nakapanarapo unya gipagpag pa jud sa akong atubangan ang abog nga trapo.  Moaksyon na unta ko ug reklamo pero natulala ko – iya bitaw giplastar ang iyang gipalit nga bulak nga nagalihok-lihok pod unya nakabutang sa red nga kaang!  Unya mo-react pa ka?  Medyo nahibat pagkabutang ang bulak pero iya bitaw tong jeep, walay but-anay!

Diri na pod nagsugod akong kalbaryo.  Maulahi na hinuon mi inig irog sa mga sakyanan kay sige ra man siya ug tan-aw sa iyang bulak, nakig-istorya pa jud siya sa akoa.  It goes something like this:

Driver:  Kuyawa jud aning butanga noh?  Lingaw kaayo tan-awon bah.

Me:  <pina-plastic> Bitaw noh?

Driver:  Sa sunod, dugangan na nako na diha ug kadtong butterfly ug kadtong isa pa jud.

Me:  Nge, mura nag lasang unya diri.

Kung unsa ka-isog niya ganina, sige na pod siya ug smile ron, diba ang weird niya!  Sa sobra niya kalipay, gi-syagitan pa niya ang duha ka babaeng foreigners nga nagbaklay ug “Hello Friends!”

Pagtunong namo sa Victoria Plaza, nikalit bitaw na ug hunong ang jeep, as in abrupt stop kaayo nga igo-igo makino imong utok.  Gi-try niya ug paandar usab, ug sa dihang nadaut ang clutch.  In a cool manner, ana siya nga, “Diri na lang jud ta kutob kay nadaut akong clutch.”  Pagtan-aw nako sa iyang nawong, kalma ra kaayo siya, mura pa gani ug kakita ko ug gamay nga smile as if nalipay siya sa nahitabo.  Ni-demand ang ubang pasahero sa likod sa ilang pliti nga iya pod gipangbalik.  Wala na ko naningil sa akong pliti oi, duol na lang kaayo ko basin ma-ingnan pa ta ug baga ug nawong.

Mao ra to.  Basta red ang color sa iyang jeep, (jeep jud ha dili multicab).  Unya naay gibutang nga bulak nga nakasulod sa red nga kaang sa iyang dashboard.  Nagapa-music pod na siya ug ’80s disco hits nga gikan sa iyang cellphone.  Taas na siya ug buhok nga naay pagkamay-ong atong comedian nga nisikat sa iyang ‘Orayt, Rock and Roll to the World’ nga tagline.  Kung makasakay mo ana, good luck!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s